ШИНЭ БИЧЛЭГҮҮД
my ideas
шинэ үеийн Монгол орны хөдөөгийн болон хотын залуусын сэтгэлгээнд, өөрийгөө үнэлж хүндэтгэх сэтгэлгээтэй хүмүүст дөхөм болгож миний мэдэх зарим нэгэн номын тухай бичиж байя гэж саналаа.
үүнд юун түрүүнд харилцааны сэтгэл зүйн тухай буюу өөрөө өөртөө боловсрох тухай надад төдийгүй олон хүнд их зүйл өгсөн гэж боддог, байнга шахуу эргүүлж тойруулж байдаг хэдэн номыг, өөрийн үнэлэмжээр дараах байдлаар танилцуулж байна.
нэгдүгээрт Дейл Карнегийг танилцуулах хүсэлтэй байна.
түүний 3н боть ном байнга шинэчлэгдэн хэвлэгдэж байдгаас үзэхэд, залуу хүмүүсийн мөнхийн сэдэв болох нь дамжиггүй мэт санагдана. энэ бол бидний оюуны хэрэглээнд зайлшгүй хэрэгтэй номын нэг мөнөөсөө мөн юм.
анх би түүний эдгээр цувралыг 8-р ангидаа уншиж байсан юм. сонин-гийн цаас шиг зузаан бор хуудаснуудтай, хатуу бор хавтастай, ид шидийн гэмээр нэртэй ном намайг өөрчилсөн юм. түүний номыг эхлээд уншихдаа би түүнийг ойлгосон гэхээсээ илүү зүгээр л уншсан гэхэд болно. энэ ном намайг аливаа номыг хөтөлж тэмдэглэж уншиж байхад сургасан юм. хожим оюутан ахуй цагтаа эдгээрийг бүх цувралаар нь дахин гүйцээн уншиж, ахин дахин сөхөж харах болсон юм. дейл карнег надад, энэ бол заль биш, манж зан биш, энэ бүхэн харилцааны зарчим гэсэн ухагдахууныг өгч, тэдгээр номуудын, миний өмнө дурайлгах жанжин шугамыг бибээр барин алхах болсон юм. 6 жил шахамд би энэхүү номоос гажаагүй ч нэг л өдөр тэсэрч дэлбэрч, хамт амьдрагч найз нөхдөө орхин, нэг үдэш цүнх пүүгээгээ чирэн тэднээс тасран одохдоо, би өөрөөрөө байж чадаагүйдээ, зүгээр л хэтэрхий нийцтэй хандлага маань намайг бусдад төдийгүй өөртөө үнэ цэнэгүй мэт болгосон гэж бодож билээ.
Дейл Карнегийн "Нөхдөө өөртөө татаж хүмүүст нөлөөлөх ёсон" №1
'олны өмнө үг хэлэхдээ яаж өөртөө итгэлтэй байж, хүмүүст нөлөөлөх вэ' №2
"Яаж санаа зовохгүйгээр тайван амьдарч эхлэх вэ " №3
гэсэн эдгээр цуврал нь юун түрүүнд зайлшгүй дагаж мөрдөх хууль мэт санах хэрэггүй ч үүнийг мэддэг, түүнийгээ ашигладаг байх нь, та амьдралдаа юуг ч хүсэж мөрөөдөж зорьж байсан хамаагүй, таны ажил мэргэжлийн салбараас үл хамаарч, таны хүрэхийг хүссэн амжилтын оргилын зүг чиглэх хамгийн дөт замуудын нэг байх юм гэдгийг батлан хэлье.
Дейл-ийг шүтэгч ахуй цагт нэг ширээнд суусан найзуудыг нэгэн удаа хичээл дээр найзуудынхаа тухай бич гэсэн 6 асуулт бүхий анкет ирэхэд анд маань миний шүтэж явдаг хүн нь гэж түүний нэрийг л ганцхан зөрүүлж бичсэн байж билээ. би өөрийнхөө тухай бичих дээ, 17-р Далай ламыг бишрэн хүндэтгэж явдаг гэсэн байсан юм. ямартай ч бид бие биенээ хоёр талаас хамгийн сайн мэддэг найзууд болж таарсан юм. ерөөс бусдыгаа ойлгодог байх, хүн төрөлхтөн өвөр зуураа ойлголцдог байх нь л хамгийн амар амгалан амьдралын эх үндэс юм. энэ тухай дахин хэлэхэд CNN ТВ-ийн newsman Лarry king-ийн нэгэн ярилцлагад оролцож байсан хүнээс Ларри *та ямар үед хүн төрөлхтөн амар амгалан тайван сайхан амьдарна гэж боддог вэ* гэсэн асуултыг тавих үед шууд нэвтрүүлэгт оролцогч, /олон улсын энх тайвны, нийгмийн чиглэлийн томоохон зүтгэлтэн нэгэн/ би дайн дажин дуусаж, хүмүүс хүнс болон цэвэр усаар гачигдахаа байсан үед ч хүн төрөлхтөн сайхан амьдарч чадахгүй гэж боддог. гагцхүү do you understand me хэмээн асуухад, яг ийм бүх асуултад үргэлж, yes, i understand you гэж хариулж байх үед л бид амар амгалан амьдрах болов уу гэж хариулсныг хэлэх нь зүйтэй юм.
дейлийн номоос хамгийн олон удаа уншсан ном бол миний хувьд 2-р боть нь юм. ер хүн зорилготой байгаа бол, өнөө үед мөнгө болон бусдад нөлөөлөх чадвар буюу дээрх /ларрикингийн ярилцлага/ санаанаас авахад өөрийгөө ойлгуулж хүлээн зөвшөөрөх чадвар хамгаас чухал юм. гэтэл бусдыг ятган үнэмшүүлэх чадвар дан ганц уран илтгэгчид бус бүх сайхан амьдралыг хүсэн мөрөөдөгчид байх ёстой зүйл юм. нэг удаа олон илтгэгчдийн цуврал илтгэлүүдийн араас гарч хэлсэн үгэндээ *та бүхний үг амнаас бус, зүрхнээс, тархинаас гарч, чихэнд бус зүрх рүү чиглэсэн үг байлаа* хэмээн хэлсэн юм. энэ нь миний хувьд ердөө л нэг хошин шогийн, чи чих рүү биш зүрх рүү дуулаач гэдэг үгнээс авсан санаа байлаа. гэтэл би энэ үгийг тэдэнд өнгөн дээрээ мундаг магтаал мэт боловч, чин сэтгэлээсээ хэлэх гэсэн үгээ илүү юмгүй хэлээд тэгээд болоош дээ гэж хэлэх гэсэн санаа байсан юм. харин түүнээс хойш мундаг сайн илтгэлийг магтах магтаалын үг болон хувирсныг хожим олон хүний амнаас сонсохдоо инээдтэй санагдаж билээ. хамгийн муу илтгэгч байж болох ч гайхалтай санааг төрүүлсэн нэгэн залуу, тэмцээний ялагдлынхаа дараа ингэж хэлсэн юм. би, уран сайхан илтгэгч гэж өөрийгөө боддоггүй ээ. би илтгэгчдийг уран сайхан зүйлийг уран сайхан ярьдаг гэж боддог байлаа. харин ямар ч чухал бус зүйлийг ч бас уран сайхан ярьдаг улс юм байна. миний бодлоор УРАН ИЛТГЭГЧ ГЭДЭГ гарцаагүй байдалд орчиход, ганц үг хэлээд л гараад явчихдаг хүнийг хэлдэг юм байна. гэж хэлсэн нь хамгийн үнэн зөв дүгнэлт болсон юм.
үүнтэй холбогдуулж, сайхан ярихаас илүүтэй юун тухай ярих нь ихэд чухал байдаг тухай хэлье. Филипп Киркоров Монголд айлчлан тоглолт хийхээр ирэх үед Монголын сурвалжлагчид ярилцлага авч, ихэд олон зүйлийн тухай асуусан нь Алла Пугачёва болон түүний тухай гэх мэт ихэнхдээ, асуулт асууж буй сурвалжлагчийн өмнөөс үзэгч олон ичгэвтэр байдалд ормоор зүйл олон байсан юм. энэ үед нэгэн саваагүй сурвалжлагч Ф.Киркоров-оос та хайрын тухай юу гэж боддог вэ гэж асуухад, тэрээр шууд эргэлзэж тээнэгэлзэх зүйлгүйгээр *энэ миний мэдлээс хэтэрсэн зүйл байна, үүнийг Киркоров мэдэхгүй* гэж хариулсан юм. тэрээр яриагаа таслалгүй цааш үргэлжлүүлэх дээ: *би боддог юм л даа, гол шиг сайхан залуу хэн нэгэн эгэл жирийн онцлох юм юу ч байхгүй бүсгүйтэй /магадгүй гишгээ доголон/ ихэд баяртайгаа хөтлөлцөөд, эсвэл сугадаад, хамтдаа баяр хөөртэйгөөр алхаж явдаг. би тэднийг хараад тэдний дунд юу, энэ хоёрыг ижилсүүлж аз жаргалтай байлгана вэ гэж, өөрөөсөө асуудаг. магадгүй тэр хайр л байх* гэж хэлээд яриагаа дуусгасан юм. манай өнөө үеийн, олны өмнө өөртэй итгэлтэй үг хэлэгчид индэр дээр гарч ирүүтээ буухаа мэдэхгүй болдгоос гадна, өөрийгөө энэ хорвоогийн бүхий л зүйлийн тухай мэднэ гэж андуурдаг. тиймээс тэднийг индэрт гарсан үед юуны ч тухай асуусан ижилхэн бөөрөнхийлсөн хариултыг байнга хэлэх болно.
харин нэгэнт илтгэл тавихаар шийдсэн бол юуны төлөө, чухам юуны тухай ярихаар гарч ирснээ хэлсэн өгүүлбэр болгондоо бодож байх хэрэгтэй юм.
юунд чиглэх нь л хамгийн чухал гэдэг санааг баян аав ядуу аав /Роберт Киуозаки/ хэмээх номоос харж болно. бидний ердийн дундаж, боловсрол нимгэн амьдралтай, ажилчин гаралтай хүмүүсийн хувьд, дэлгүүрийн шилэн хоргонд буй үзвэрийг шүүрс алдан шохоорхон буй хүүхдүүд дээ, *үүний төлөө битгий хий хоосон мөрөөд* гэж зөвлөдөг байхад, сэхээтнүүд үр хүүхэд дээ, *чи үүнийг авах эрхтэй, авах ч ёстой, гагцхүү чи үүнийг өөрөө л авах ёстой. үүний төлөө сайн сур, сайн ажилла, сайн компанийн эзэн бол гэж зөвлөдөг байхад. бид *чи сайн сур, сайн ажилла, сайн компанийн сайн ажилтан бол* л гэж зөвлөж чаддаг. үүнээс харахад амжилтын үндэс нь хүн боловсрох явдал гэдгийг аль ч жишээнээс харж болох ч гэлээ, зорилго, ямар зорилго тавих нь л бид бүхний эцсийн ямар үр дүнд хүрэхийг шийддэг гэсэн бодит үнэн байгаа юм.
Дейл карнег ном-ондоо сэтгэлгээний тухай бичихдээ Чарльз Диккенс-ээр жишээлэн, нэлээдгүй бишрэнгүй, хүндэтгэлтэй дурдсан байсан нь намайг Ч.Диккенс-ийн Оливер Твист гэдэг зохиолыг уншихад хүргэсэн юм. Диккенс тус зохиолыг Олевир Твист хаана, ямар байдалд Төрсөн тухай гэж эхлээд цааш *...тэр нэг хотын нийтийн байшингуудын дотор эрт урьд цагаас эхлэн том жижиг алин боловч бараг хот бүхэнд тохиолддог байшингуудаас ялгагдах онцын юмгүй нэг байшин байх бөгөөд түүнийг үйлтгэлийн газрын байшин гэцгээдэг…* гэж үргэлжлүүлэн бичсэн байдаг юм.
Диккенс ор хоосноос ургуулан бодсон гэж би бодохгүй байгаач түүний сэтгэлгээг үнэхээр бишрүүстэй. харин миний хувьд хэн нэгнээс чи намайг ойлгож байна уу гэж асуух нь /do you understand me/ доромжилсон хэрэг гэж үзнэ. харин энэ асуултыг арай өөрөөр, би танд ойлгомжтой зүйл ярьж байна уу гэж асууж болох юм. дээр жишээ болгосон зүйлсийг амьдралдаа ягштал нь хэрэгжүүлдэг гэж хэлэхгүй ч Дейл Карнег хийгээд түүний ном дахь зүйлийг уншиж судлаагүй бол би хэзээ ч өөрийгөө эрж хайх аянд мордохгүй байхсан. энэ бүхэн нь хүнд эртнээс уламжлан ирсэн хөдөлбөргүй санаанууд, онол таамаглалууд хийгээд бусдын ярианд үл автах зан төрхийг, ерөөс сонссон бүхэндээ бүрэн итгэл хүлээлгэдэггүй занг, өөрийн бодол үзэл үнэлэмжээр тунгааснаа илүүд үзэхэд болон эсрэгээрээ бусдад хүндэтгэлтэй хандах зан суртахууныг суулгаж өгсөн гэж хэлнэ. мөн энэ бүхэнд Карлл Поперийн чи өөрийнхөө үнэн гэж бодсон оо хэл, би өөрийнхөө үнэн гэж бодсоныг хэлье, бидний санаа нийлээд жинхэнэ үнэнд илүү ойртох байх гэсэн санаа хамгийн том үүрэг гүйцэтгэсэн гэж бодож байна.
ажилтанд хүргэнэ гэсэн баттай амлалт өгөх номууд болон эдгээр номууд нь өвөрмөц соёлтой Монголын өнөөгийн нийгэмд тун ч бага таарч тохирохыг бодож үзэх нь эдгээр агуай хүмүүсийн үг худлаа биш гэдэг санааг орхихгүй юмаа гэхэд дэмжихэд тустай юм.
дараагийн дугаарт
*Сэтгэхүйн цар хүрээний гайхамшиг* Дейвид Жозеф Щварц-ийн тухай
Аюурзанын орчуулан хүргэж буй *Шинэ үеийн номын сан цуврал*
мөн түүний өөрийн бичиж, уншигч түмэнд хүргэсэн мета роман
мөн Өөртөө туслах ухаан болон Эрнст мулдашев-ийн бүтээлийн тухай бодол эргэцүүллийг хүргэх болно.
best seller-үүдийг хүргэе гэвч монсудар гэх мэт хэвлэлийн газраас гаргасан хэл шинжлэлийн ухааны номууд түлхүү байсан тул түр хойш тавилаа
Нийт 2935 удаа уншигдсан | 11 сэтгэгдэлтэй
RSS тандагч
Сэтгэгдэл бичих
авч явахад хялбар хөнгөхөн сайн хэвлэлтэй англи хэл дээр эдгээр номууд бий дээ
нэг газрын менежер нийж байгаа юм биш шүү интэр ном гэдэг дэлгүүрт сонголт бий төрөлх хэл дээрээ унших боломжтой
учиргүй их хайр-афоризм 9*
1. хайрыг түүний төлөө хир их тэнэглэл хийж байгаагаар үнэлж болно....
2. урд урдаасаа харж буй хосуудыг бус хоёул нэгэн зүгт харж буй хосуудыг хайртууд гэнэ....
3. хайр оршин тогтнох гол нөхцөл нь- нэг нь нөгөөгөөсөө хүсэж буй зүйлээс өгч чадах зүйл нь даван гарч байхад оршино.
naad nomnuudiig chini unshihsan гэвэл юу ч ойлгоогүй байж таараа naad nomnuudiig chini unshihiinsannaad nomnuudiig chini unshihiinsan гэж байгаа бол тус болж болно...