гарчигт бичсэн агуулгад хүрэхийг гюстав ФЛОБЕР чухалчлан захихдаа зураг нь доор буй Michel Eyquem de Montaigne хэмээх эрхэмсэг, оюутны бүтээлүүдийг уншихыг зөвлөжээ.

(1533-1592) Michel Eyquem de Montaigne

хүн төрөлхтний хамгийн аугаа сод ухаантан мэргэдийн санаа бодлоор сэлбэгдсэн тийм баялаг оюуны ертөнцийг дотроо бий болгож амьдрах хэрэгтэй ....

хүн, энэ амьдралыг мөнх бишийг, дэлхий ертөнц хийгээд орчлон хорвоогийн хэчнээн уудмыг, цаг хугацаа гэдэг хэчнээн төгсөшгүй, хүн гэдэг өөрөө хэчнээн өчүүхнийг ойлгон үнэмшихэд шашны үзэл, философи болон төгс ухаан хэрэггүй юм. мангуу биш байхад л хангалттай. эсвэл мөнгө, хүүхэн, нэр алдар, худал хуурмаг энэ бүхнээс түрч атугай ангижирч, ирээдүй хэтийн тухай бодолхийлж чаддаг бол хангалттай. Энэ бүхнийг хэн нэгэн зөнөглөл гэхгүй бөгөөд бид бидний үнэт чанарыг бий болгож байдаг оюун ухаант, мэдрэмж хөгжлийнхөө түүхэнд хоёр мянганыг зүгээр өнгөрүүлээгүй хэрэг болох юм.

• хүн гэдэг гайхалтай барьцгүй, хөвсөргөн, үнэхээр гуйвамтгай, хэзээ ч нэгэн янзаараа байдаггүй амьтан.
• дур хүсэлд цэнгэж сонжиж, бодож эргэцүүлэх зай гарч байгаа л бол тэр маш хүчтэй ассан тэмүүлэл яавч биш билээ...
• өөрийнхөө хүч, боломжоос хэтийдсэн зүйлийн төлөө бид хариуцлага хүлээж чадахгүй..
• өнөөдрийн түмэн асуудал маань багадсан юм шиг хожим юу болохыг урьдчилан харах гэж байдгаараа хүсдэг бидний номхрошгүй сониуч зан гэж....
• мэрэгч төлөгчдийн амжилт олох үндсэн нөхцөл бол лүндэгнэсэн үгийн учир битүүлэг, хоёрдмол утга болон гайхалтай нарийн агууламж бөгөөд тэдгээр судруудын зохиогчид анхнаасаа мөнөөх үгсэд тодорхой утга ерөөсөө оруулаагүй байдаг. тийм ч учраас хойч үеийнхэн нь хүссэн бүхнээ олох боломж бүрдсэн аж.
• ухаантай хүн сэтгэлийн хямралд өртдөггүй юм биш харин хямралаа хязгаарлан дардаг хэрэг.
• Оюун ухааны маань үрээр буй болсон алив эрхэм чанарууд чухамдаа хүмүүст зовлон мэдрүүлэхийн тулд л заяагдсан юм биш үү
• Алдар гавьяа аюулаар цангадаг,... адилхан хоёр нэр төртэй үйлсийн аль биелүүлэхэд төвөгтэй нь л бидэнд илүү сэтгэгдэл төрүүлдэг...
• сэтгэл зүрхэндээ хамгийн дээд ханамжийг хайж,...тэр нь бидний цорын ганц эзэн болдог...
• сэтгэл санааны таашаал сонголтыг сөрөн зогсож чадах тийм хорио цээр, тийм гаргалгаа, тийм хүч чадал хаа ч үгүй
• зовлон гэдэг бид түүнд ямар хэмжээгээр автаж байна, тийм хэмжээгээр нүүрлэдэг юм.
• гуниг цөхрөл өөрийнхөөрөө оршдоггүй, харин бидний төсөөлөлд л байдаг юм
• хөндлөнгийн хүмүүсийн үнэнч шударгад итгэнэ гэдэг өөрөө хангалттай шударга сэтгэлтэйн шинж.
• бусдад аз жаргалтай харагдаж байгаа нь биш, өөртөө аз жаргалыг мэдэрч байгаа хүн л жинхэнээсээ жаргалтай...

за анхаарал тавьж энэ хүртэл уншсан танд баярлалаа, их чилээлгүй ингээд өндөрлөе. хуучин уншиж байсан номынхоо тэмдэглэлээс хүргэхэд ийм байна.

эрт цагийн нэгэн язгууртан эрийн бичлэгийн хэлбэр хүн төрөлхтний өнөөдрийн хамгийн түгээмэл нийтлэл бичлэгийн үр ашигтай төрлийг бий болгожээ. энэ бол франц хэлнээ туршцууд хэмээх эссе бичлэг юм. саяхан Ванга Пандева-гийн  давтагдашгүй амьдрал хийгээд хүн төрөлхтний 3797 он хүртэлх хувь заяаны зөгнөлийг уншиж суух нээ энэхүү язгууртны аль тэртээ 1592 онд сүүдрээ дарж унасан сэтгэлгээг нэхэн санахад хүргэсэн билээ. бид түүнийг алдартнуудын үзэл санаанаас ахин дахин олж хардаг шиг Ванга-г ч иргэн дурсах бизээ, дараагийн бичлэгийг түүнд зориулъя.